محبوبہ مفتی کا قابض فوج سے نماز جمعہ کیلئے بڑی مساجد کھولنے کا مطالبہ
سری نگر(آئی این پی) مقبوضہ کشمیر کی سابق وزیرِ اعلی محبوبہ مفتی نے کہا ہے سیکیورٹی اور کورونا وبا کے بہانے مقبوضہ کشمیر کی بند کی گئی بڑی مساجد کو نماز جمعہ کی ادائیگی کیلئے فوری طور پر کھولا جائے۔ کشمیر میڈیا سروس کے مطابق مقبوضہ کشمیر کی سابق وزیر اعلی محبوبہ مفتی نے نماز جمعہ کے لیے جامو مساجد کو کھولنے کا مطالبہ کرتے ہوئے کہا ہے کہ سیکیورٹی اور کورونا وبا کے بہانے مذہنی آزادی پر قدغن کو برداشت نہیں کیا جا سکتا۔ سابق وزیرِ اعلی نے مزید کہا کہ وادی کی بڑی مساجد کو سیکیورٹی اور کورونا وائرس کے نام پر بند رکھنے کا اب کوئی جواز برقرار نہیں رہتا جبکہ حکومت خود دعوی کرتی ہے ہے کہ حالات نارمل اور کنٹرول میں ہیں اور دیگر مذاہب کی عبادت گاہیں بھی کھول دی گئی ہیں۔محبوبہ مفتی نے کہا کہ جب دیگر عوامی اجتماعات جاری ہیں اور تقریبات کا بھی انعقاد ہورہا ہے تو مساجد کیوں بند ہیں اس لیے پوری وادی اور بالخصوص درگاہ حضرت بل اور سری نگر کی جامع مسجد کو فوری طور پر نماز جمعہ کے لیے کھولا جائے۔
محبوبہ مفتی
