پی ٹی آئی کیوجہ سے ملک میں بے یقینی عروج پر،اصل محرکات سامنے لائے جائیں 

 پیپلز پارٹی وسطی پنجاب کے جنرل سیکریٹری سید حسن مرتضی نے کہا ہے کہ آج پی ٹی آئی سرکار کی وجہ سے ملک میں جو بے یقینی کی صورت حال ہے اسی وجہ سے نیوزی لینڈ کی کرکٹ ٹیم نے دورہ پاکستان منسوخ کیا ہے اس بے یقینی کی صورت حال کو دور کرنے کی ضرورت ہے مگر ایسا کرنا پی ٹی آئی کے بس کی بات ہی نہیں ہے عمران خان صرف باتیں کر سکتے ہیں کام نہیں یہ بات اب عملی طور پر ثابت ہو گئی ہے کہ پی ٹی آئی ایک نا اہلوں کی جماعت ہے۔وہ ایشو آف دی ڈے میں اظہار خیال کررہے تھے،ان کا کہنا تھا کہ افسوس کی بات ہے کہ جب ملک میں اللہ کے فضل و کرم سے دہشت گردی مکمل کنٹرول میں ہے تب بھی نیوزی لینڈ کی ٹیم نے اپنا دورہ ایک دم سے منسوخ کردیا اس کے محرکات جو بھی ہیں وہ قوم کے سامنے آنے چاہئے لیکن اسی وقت تو یہی بات نظر آرہی ہے کہ جہاں پی ٹی آئی کی حکومت معاشی محاز پر ناکام ہوئی تو ٹھیک اسی طرح سے خارجی محاز پر بھی پی ٹی آئی کی حکومت ناکام ہو ئی ہے۔
سید حسن مرتضی