صدر مملکت کا نجی بینکوں کو فراڈ کی رقم اکاؤنٹس میں جمع کرانے کا فیصلہ برقرار
اسلام آ باد (آئی ا ین پی) صدر مملکت ڈاکٹر عارف علوی کی جانب سے بینکنگ محتسب کا پرائیویٹ بینکوں کو شکایت کنندگان کے اکاؤنٹ میں 12لاکھ کی رقم جمع کروانے کا فیصلہ برقرار ہے۔ تفصیلات کے مطابق پرائیویٹ بینکوں نے بینکنگ محتسب کے فیصلے کیخلاف صدر مملکت ڈاکٹر عارف علوی کو درخواست دائر کر رکھی تھی۔ ذرائع کے مطابق نجمہ سلطانہ، زاہد شاہ اور طارق محمود چوہدری نامی شہریوں کے اکاؤنٹس سے دھوکہ دہی سے 12لاکھ سے زائد کی رقم نکال لی گئی تھی۔ اس کے علاوہ شکایت کنندگان نے نوسر باز افراد کو ٹیلیفون پر اپنے بینک اکاؤنٹس کی تفصیلات فراہم کی تھیں، شکایت کنندگان نے اپنے بینکوں کی جانب سے آن لائن بینکنگ کی سہولت حاصل نہیں کر رکھی تھی، بلااجازت اکاؤنٹس سے رقم ٹرانسفر کرنے پر بینکنگ محتسب نے پرائیویٹ بینکوں کو رقم واپس کرنے کا حکم دیا تھا۔ صدر مملکت ڈاکٹر عارف علوی نے کہا کہ صارفین کی اجازت کے بغیر الیکٹرانک فنڈ ٹرانسفر کی سہولت فراہم کرنے کی وجہ سے رقم کا نقصان برداشت کرنا پڑا، بینک قانون پر عمل درآمد کے حوالے سے کوئی بھی دستاویز پیش کرنے میں ناکام رہے۔
صدر کا فیصلہ
