بھارت، کرناٹک میں ایک ہی خاندان کے 5افرا د پر پراسرار موت 

بھارت، کرناٹک میں ایک ہی خاندان کے 5افرا د پر پراسرار موت 

  IOS Dailypakistan app Android Dailypakistan app


 کرناٹک(این این آئی) بھارتی ریاست کرناٹک کے دارالحکومت بنگلورو میں نوماہ کے بچے سمیت ایک ہی خاندان کے پانچ افراد کواپنے گھر میں پراسرار حالت میں مردہ پایا گیا کشمیر میڈیا سروس کے مطابق پولیس نے بتایاکہ ان کی نعشیں بنگلورو شہرکے علاقے تھگالاراپلیا کے علاقے میں ان کے گھرسے برآمد ہوئیں جبکہ ایک ڈھائی سالہ بچی معجزاتی طورپر بچ گئی اوروہ زیر علاج ہے۔ یہ واقعہ اس وقت سامنے آیا جب خاندان کا سربراہ ہیلیگری شنکرجو گھر سے باہر تھا چار دن بعد گھرآیا کیونکہ گھروالے اس کے فون کالز کا جواب نہیں دے رہے تھے  ہلاک ہونے والوں میں شنکر کی بیوی 51سالہ بھارتی، بیٹیاں 34سالہ سنچانااور31سالہ سندھورانی،بیٹا25سالہ مدھو ساگراور نو ماہ کا پوتا شامل ہے۔ حکام نے بتایا کہ چار بالغ افراد مختلف کمروں میں چھت سے پھانسی پر لٹکے ہوئے تھے جبکہ بچہ بستر پر لیٹا ہوا تھا جو شاید بھوک سے مر گیا تھا انہوں نے کہا کہ نعشیں بری طرح سے سڑ چکی تھیں پولیس نے سنچانا کی ڈھائی سالہ بیٹی کو بچایا ہے جوبھو ک کی وجہ سے بے ہوش تھی اور معجزاتی طورپر بچ گئی  دریں اثناء بھارت کی ریاست جھارکھنڈ میں حکام نے بتایا کہ ضلع لاتی ہر میں 12 سے 20 سال کی عمر کی سات لڑکیاں ایک تالاب میں ڈوب کر ہلاک ہوگئیں ضلع کے ڈپٹی کمشنر ابو عمران نے بتایا کہ یہ واقعہ بو کو گاؤں میں ہندوؤں کے ایک اہم تہوار کرما پوجا کے دوران پیش آیا۔انہوں نے کہاکہ امدادی ٹیمیں جائے وقوعہ پر پہنچ گئیں کچھ لوگ زخمی بھی ہیں جنہیں ہسپتال پہنچایا گیا ۔ 
بھارت اموات

مزید :

صفحہ آخر -