غیر ملکی صحافیوں، امریکی شہریوں اور فٹ بال ٹیم کے افغانستان  سے انخلا میں پاکستان نے کیسے مدد کی؟ امریکی صحافی نے ساری کہانی بیان کردی

غیر ملکی صحافیوں، امریکی شہریوں اور فٹ بال ٹیم کے افغانستان  سے انخلا میں ...
غیر ملکی صحافیوں، امریکی شہریوں اور فٹ بال ٹیم کے افغانستان  سے انخلا میں پاکستان نے کیسے مدد کی؟ امریکی صحافی نے ساری کہانی بیان کردی

  

واشنگٹن (ڈیلی پاکستان آن لائن)معروف امریکی صحافی گلین بیک نے افغانستان سے صحافیوں، خواتین کی فٹ بال ٹیم  اور امریکی شہریوں کے انخلا میں مدد پر وزیر اعظم عمران خان اور پاکستانی عوام سے اظہار تشکر کیا ہے۔

گلین بیگ نے سماجی رابطے کی ویب سائٹ ٹویٹر پر اس حوالے سے کہانی بیان کی ہے کہ جس میں انکا کہنا ہے کہ سنگین صورتحال کے دوران  کئی عالمی رہنماؤں سے رابطہ کیا لیکن کوئی سامنے نہ آیا۔متعدد عالمی رہنماؤں نے تو جواب تک نہ دیا۔تاہم جب  پاکستان کے وزیر اعظم عمران خان سے مدد کا کہا تو وہ فوری طورپرعسکری، سول وسائل اور عزم کے ساتھ ہماری مدد کو  سامنے آئے۔

پاکستانی عوام اور وزیر اعظم کی طرف سے کی جانے والی مدد کا شکریہ الفاظ میں ادا نہیں کیا جا سکتا۔گلین بیگ نے  وزیراعظم کو خط میں لکھا کہ مزار شریف سے امریکہ،نیٹو اتحادیوں اور خواتین فٹبال ٹیم کے انخلا میں پاکستان کے تعاون نے ثابت کر دیا کہ ماضی قریب میں ہونے والی تنقید کے باوجود پاکستان امریکا کا ہر طرح کے حالات میں بہترین ساتھی ہے۔

مزید :

اہم خبریں -بین الاقوامی -