چیف جسٹس سپریم کورٹ بدھ سے کراچی رجسٹری میں اہم مقدمات کی سماعت کرینگے، کون کون سے اہم کیسز شامل ہیں ؟جانئے 

چیف جسٹس سپریم کورٹ بدھ سے کراچی رجسٹری میں اہم مقدمات کی سماعت کرینگے، کون ...
چیف جسٹس سپریم کورٹ بدھ سے کراچی رجسٹری میں اہم مقدمات کی سماعت کرینگے، کون کون سے اہم کیسز شامل ہیں ؟جانئے 
سورس: File Photo

  

کراچی(ڈیلی پاکستان آن لائن)چیف جسٹس آف پاکستان جسٹس گلزار احمد بدھ سے کراچی رجسٹری میں اہم مقدمات کی سماعت کریں گے، چیف جسٹس گلزار احمد کی سربراہی میں 3 رکنی بینچ تشکیل دے دیا گیا ، جسٹس اعجاز الاحسن، جسٹس قاضی محمد یامین احمد تین رکنی بینچ میں شامل ہیں۔

تفصیلات کے مطابق چیف جسٹس کی سربراہی میں تین رکنی  بینچ 24 ستمبر تک کراچی میں اہم مقدمات کی سماعت کرے گا۔ چیف جسٹس گلزار احمد کی سربراہی میں تین رکنی بینچ کراچی میگا تجاوزات کیس سماعت کریگا،22ستمبر کوسابق سٹی ناظم نعمت اللہ خان عمل درآمد کیس سماعت کےلیےمقرر کردیا گیا ہے،اس حوالے سے وزیر اعلی سندھ، چیف سیکریٹری، کمشنر کراچی کو نوٹس جاری کردیئے گئےجبکہ اٹارنی جنرل آف پاکستان اور ایڈووکیٹ جنرل سندھ کو بھی نوٹس جاری کردیئے گئے۔ تمام کنٹونمنٹ بورڈ کے چیف ایگزیکٹو افسران، ڈی جی کے ڈی اے، چیئرمین کے پی ٹی، چیئرمین پی آئی اے، ڈی جی پارکس، ڈی جی سندھ بلڈنگ کنٹرول اتھارٹی، سیکرٹری ریلوے کو بھی نوٹس جاری کردیئے گئے ہیں۔

تین رکنی بینچ کراچی کے 35 ہزار رفاعی پلاٹوں پر قبضے کیس کی بھی سماعت کرے گا۔ سپریم کورٹ نے تمام رفاعی پلاٹس واگزار کرانے کا حکم دے رکھا ہے۔ ریلوے اراضی پر قبضے سے متعلق کیس بھی سماعت کے لیے مقرر کیا گیا ہے۔ تیجوری ہائٹس اور کراچی سرکلر ریلوے اراضی قبضہ کیس بھی سماعت کے لیے مقرر کردیا گیا ہے۔ تین رکنی بینچ کے روبرو ڈی ایچ اے میں پانی کی عدم فراہمی کا کیس بھی سماعت ہوگی۔ کراچی جیم خانہ کی اراضی پر غیر قانونی تجاوزات، چائنہ کٹنگ، گرین بیلٹس پر قبضوں اور تجاوزات کا کیس بھی سماعت کے لیے مقرر کردیا گیا ہے۔ چیف جسٹس کی سربراہی میں تین رکنی بینچ رہائشی پلاٹوں پر شادی ہالز بنانے کا کیس اور صوبائی وزیر سعید غنی کیخلاف توہین عدالت کا کیس بھی سماعت کے لیئے مقرر کردیا گیا ہے۔ صوبائی وزیر سعید غنی کو سماعت کے لیے نوٹس جاری کردیئے گئے ہیں۔

مزید :

علاقائی -سندھ -کراچی -