عام انتخابات ، الیکشن کمیشن کا 2ہزار لیپ ٹاپ کی خریداری کیلئے معاہدہ 

     اسلام آباد (آئی این پی) الیکشن کمیشن نے عام انتخابات میں آر اوز کو نئے لیپ ٹاپس دینے کا فیصلہ کرتے ہوئے 2 ہزار لیپ ٹاپس کی خریداری کیلئے معاہدہ کرلیا۔تفصیلات کے مطابق ملک میں عام انتخابات کی تیاریاں جاری ہے ، الیکشن کمیشن نے عام انتخابات میں آر اوز کو نئے لیپ ٹاپس دینے کا فیصلہ کرلیا۔ذرائع نے بتایا کہ الیکشن کمیشن نے 2 ہزار لیپ ٹاپس کی خریداری کیلئے ایچ ای سی سے معاہدہ کر لیا ہے ، ایچ ای سی عام انتخابات کیلئے2 ہزار لیپ ٹاپ الیکشن کمیشن کو دے گا۔ذرائع کا کہنا تھا کہ الیکشن کمیشن تمام آر اوز کو نئے لیپ ٹاپ مہیا کرے گا، لیپ ٹاپ خریداری سے متعلق گزشتہ روزہائیرایجوکیشن کمیشن سے معاہدہ طے پایا۔ہائیر ایجوکیشن کمیشن جدید لیپ ٹاپ الیکشن کمیشن کو عالمی سطح سے خرید کر دے گا۔
لیپ ٹاپ معاہدہ