کراچی:کے الیکٹرک نے کروڑوں روپے کی بجلی چوری پکڑلی
کراچی (اسٹاف رپورٹر) کے الیکٹرک نے بجلی چوری کے خلاف آپریشن میں کروڑوں روپے کی بجلی کی چوری پکڑلی، 5ہائیڈرنٹس بجلی کے ساڑھے 3لاکھ یونٹس اور پانی کی چوری میں ملوث تھے۔تفصیلات کے مطابق کے الیکٹرک کا شہر بھر میں بجلی چوری کے خلاف کریک ڈاﺅن جاری ہے ، بجلی چوری کے خلاف آپریشن کے دوران کروڑوں روپے کی بجلی کی چوری پکڑی گئی۔ترجمان کے الیکٹرک نے بتایا کہ ناظم آباد میں 5 غیر قانونی ہائیڈرنس پر کے الیکٹرک، کے ڈبلیو ایس بی اور رینجرز نے مشترکہ آپریشن کیا ، ہائیڈرنٹس بجلی کے ساڑھے تین لاکھ یونٹس کی چوری کے ساتھ پانی کی چوری میں ملوث تھے۔ترجمان نے بتایاکہ بجلی کے غیر قانونی کنکشنز منقطع کردیئے گیے ہیں اور رینجرز نے پانچوں غیر قانونی ہائیڈرنٹس کو مسمار کر دیا ہے۔
