ڈیرہ اسماعیل خان میں سکیورٹی فورسز کا آپریشن، ایک دہشت گرد مارا گیا، دوسرا زخمی
ڈی آئی خان (ڈیلی پاکستان آن لائن) ڈیرہ اسماعیل خان میں سکیورٹی فورسز کے انٹیلی جنس بیسڈ آپریشن کے دوران ایک دہشت گرد مارا گیا جبکہ دوسرا زخمی ہو گیا۔
نجی ٹی وی ایکسپریس نیوز نےپاک فوج کے شعبہ تعلقات عامہ (آئی ایس پی آر) کے حوالے سے بتایا کہ ڈیرہ اسماعیل کے علاقے کلاچی میں خفیہ اطلاعات پر آپریشن کیا گیا جس کے دوران سکیورٹی فورسز اور دہشت گردوں کے مابین شدید فائرنگ کا تبادلہ ہوا۔
اس دوران ایک دہشت گرد مارا گیا جبکہ دوسرا شدید زخمی ہو گیا، ہلاک دہشت گرد سے اسلحے کے علاوہ گولہ بارود بھی برآمد ہوا جبکہ اس سے قبل وہ سکیورٹی فورسز پر حملوں اور شہریوں کے قتل میں بھی ملوث رہا۔ آئی ایس پی آر نے مزید بتایا کہ علاقہ مکینوں نے سکیورٹی فورسز کے آپریشن کو سراہا۔
