بھارتی پارلیمنٹ میں ایک تہائی نشستیں خواتین کیلئے مختص
نئی دہلی (ڈیلی پاکستان آن لائن) بھارتی پارلیمنٹ میں ایک تہائی نشستیں خواتین کیلئے مخصوص کرنےکی منظوری دے دی گئی۔
بھارتی میڈیا کے مطابق لوک سبھا میں خواتین کیلئے 33 فیصد نشستیں مخصوص کرنے کابل پیش کیا گیا تھا۔ لوک سبھا اور ریاستی اسمبلیوں میں خواتین کیلئے مخصوص نشستیں ہوں گی، بل کو قانون بنانے کیلئے راجیا سبھا اور ریاستی اسمبلیوں سے منظوری درکار ہوگی، قانون منظور ہونے پر 2029 کے عام انتخابات میں اسے نافذ کیا جاسکتا ہے۔
