76 سال گزر گئے اس ملک میں ایک دن بھی قرآن کا نظام نہیں دیکھا،سراج الحق
پشاور (ڈیلی پاکستان آن لائن) امیر جماعت اسلامی سراج الحق کا کہنا ہے کہ 76 سال گزر گئے اس ملک میں ایک دن بھی قرآن کا نظام نہیں دیکھا۔
پشاور میں مہنگائی کے خلاف گورنر ہاؤس کے باہر جماعت اسلامی کا دھرنا تیسرے روز بھی جاری ہے، ان کا دھرنے کے شرکاء سے خطاب کرتے ہوئے کہنا تھا کہ یہاں اسمبلی میں بیٹھنے والے عوام کے ووٹ سے نہیں عالمی طاقتوں کے ذریعے اسمبلی پہنچتے ہیں، یہ سیاسی لوگ نہیں ہیں یہ سیاسی دہشتگرد ہیں۔ان معاشی دہشت گردوں نے ملک کو یرغمال بنایا، بھارت میں کوئی صدر یا وزیراعظم نہیں ہے جس کی دولت باہر کے ممالک میں ہو، یہاں سیاستدان، ججز، جرنیل سب کی دولت اور جائیدادیں باہر کے ممالک میں ہیں، یہ لوگ اپنی قوم کے لوگوں کا خون نچوڑ کر دولت باہر لے جاتے ہیں، یہی وجہ ہے کہ ہمارا دشمن مضبوط ہے، یہاں آستین کے سانپ موجود ہیں، مسائل ان کی وجہ سے ہیں۔
سراج الحق نے مزید کہا یہ لوگ نیب کے سوالوں کا جواب دینے کے بجائے وکٹری کا نشان بناتے ہیں، ایسے بے شرم لوگ میں نے دنیا میں کہیں پر نہیں دیکھے جو کرپشن پر بھی وکٹری نشان بناتے ہیں۔
پشاور - امیر جماعت اسلامی سراج الحق گورنر ہاؤس کے باہر بجلی اور پیٹرول قیمتوں میں ظالمانہ اضافہ اور بڑھتی ہوئی مہنگائی کے خلاف دھرنے کے شرکاء سے خطاب کر رہے ہیں۔ دھرنے کا آج تیسرا اور اختتامی دن تھا، جس میں ہزاروں لوگوں نے شرکت کی۔ کل سے لاہور میں گورنرہاؤس کے باہر دھرنا شروع… pic.twitter.com/qNBpEPr08k
— Jamaat e Islami Pakistan (@JIPOfficial) September 20, 2023
