اسلام آباد(ڈیلی پاکستان آن لائن)چیف الیکشن کمشنر نے نااہلی اور بدنظمی پر 3افسران کو 120دن کیلئے معطل کر دیا،نوٹیفکیشن بھی جاری کردیا گیا۔
نجی ٹی وی چینل جیو نیوز کے مطابق صوبائی الیکشن کمشنر سندھ شریف اللہ کو نااہلی اور بدنظمی پر معطل کیا گیا،الیکشن کمیشن نے الیکشن افسر کراچی خدابخش کو بھی معطل کردیا،اس کے علاوہ ڈائریکٹر ایڈمن صوبائی الیکشن کمیشن سندھ اظہر حسین ٹنواری کو بھی معطل کر دیاگیا، نوٹیفکیشن میں کہا گیا ہے کہ تینوں افسران انکوائری مکمل ہونے اور اگلے احکامات تک کراچی میں رہیں گے۔