جنوبی ایشیائی لیبر کانفرنس 24اپریل کو ہوگی

جنوبی ایشیائی لیبر کانفرنس 24اپریل کو ہوگی

  

اسلام آباد (اے پی پی) پہلی جنوبی ایشیائی لیبر کانفرنس 24اپریل کو لاہور میں شروع ہوگی۔ جس میں سری لنکا ، بنگلہ دیش ، مالدیپ اور افغانستان کی وفاقی وزارتوں کے نمائندے شرکت کرینگے ۔ تین روز تک جاری رہنے والی کانفرنس میں بھارت ، نیپال اور بھوٹان سے اعلیٰ حکام اور مزدوروں کے نمائندہ اداروں کے حکام بھی شرکت کرینگے۔ لیبر کانفرنس کا اہتمام پنجاب کی صوبائی حکومت کی وزارت محنت و انسانی و سائل کی ترقی نے کیا ہے ۔ کانفرنس میں سری لنکا، مالدیپ ، بنگلہ دیش اور افغانستان کی محنت و افرادی قوت و انسانی وسائل کی ترقی کے وزراء شرکت کرینگے جبکہ کانفرنس میں سفارتخانوں ، اقوام متحدہ کے اداروں ، ڈونر اداروں ، وفاقی اور صوبائی ، گلگت بلتستان اور کشمیر سے اعلیٰ حکام بھی شرکت کرینگے ۔

مزید :

کامرس -