ایمریٹس کا مزید شہروں کے لئے محدود پروازیں شروع کرنیکا اعلان

  ایمریٹس کا مزید شہروں کے لئے محدود پروازیں شروع کرنیکا اعلان

  

کراچی(پ ر) ایمریٹس جکارتا، منیلا، تائی پے، شکاگو، تونس، الجائرزاور کابل میں سفری خدمات کی فراہمی کی منصوبہ بندی کررہا ہے جبکہ اس نے لندن اور فرینکفرٹ کے (بقیہ نمبر46صفحہ6پر)

لئے بھی آپریشنز کا آغاز کردیا ہے۔ یہ خدمات شہریوں اور اپنے وطن کا سفر کرنے والے افراد کی واپسی میں معاون ہوں گی۔ مسافر ایمریٹس ڈاٹ کام پر یا اپنے ٹریول ایجنٹ کے ذریعے براہ راست بکنگ کرواسکتے ہیں۔ صرف وہ شہری سفر کرسکیں گے جو داخلے کی شرائط پوری کرسکیں اور اپنے وطن جانے کے خواہش مند ہوں۔ مسافروں کیلئے اس ملک کے قوانین کی پاسداری ضروری ہے۔ دبئی سے پروازوں کی روانگی اور خدمات میں اضافے کے ساتھ ایمریٹس نے دبئی انٹرنیشنل ایئرپورٹ ٹرمینل 3 پر اپنے آپریشنز کا دوبارہ آغاز کردیا ہے۔ اس سلسلے میں صارفین کیلئے متحدہ عرب امارات کے حکام اور منزل مقصود والے ملک میں صحت و حفاظت کیلئے نافذ تمام قوانین سے مطابقت ضروری ہے۔ اس عرصے کے دوران سیٹ کے انتخاب اور آن لائن چیک ان کی سہولت سمیت دیگر خدمات جیسے شوفر ڈرائیو اور لاؤنج کسی مقام کے لئے دستیاب نہیں ہوں گی۔ ایمریٹس ان پروازوں پر تبدیل شدہ خدمات بھی فراہم کرے گا۔ مطالعہ کے لئے میگزین اور دیگر طباعتی اشیاء موجود نہیں ہوں گی تاہم سفر کے دوران کھانے و مشروبات سے تواضع جاری رہے گی۔ البتہ، کھانے پینے کی سروس کے دوران پیکیجنگ اور پیش کرنے کا طریقہ تبدیل کیا جائے گا تاکہ مسافر و کیبن کریو کے درمیان فاصلہ رہے اور انفکیشن پھیلنے کا خطرہ نہ ہو۔ ان پروازوں پر کیبن کا سامان قبول نہیں کیا جائے گا۔ کیبن میں ساتھ رکھنے والا سامان لیپ ٹاپ، ہینڈ بیگ، بریف کیس یا بچوں کے سامان تک ہی محدود ہوگا۔ دیگر تمام سامان چیک ان ہوگا اور صارفین کے سامان کے چیک ان کے لئے کیبن بیگیج الاؤنس کا اضافہ کیا جائے گا۔ مسافروں کو سفر کے دوران سماجی فاصلے برقرار رکھنے کی ہدایت پر عمل پیرا ہونے کی ضرورت ہے، وہ ایئرپورٹ اور جہاز میں سفر کے وقت اپنا ماسک پہنیں۔ مسافر روانگی سے تین گھنٹے قبل دبئی انٹرنیشنل ایئرپورٹ ٹرمینل 3 پر چیک ان کیلئے پہنچ جائیں۔ ایمریٹس کے چیک ان کاؤنٹرز ان سفری مقامات کے لئے تصدیق شدہ بکنگز رکھنے والے مسافروں کو ہی چیک ان کی سہولت فراہم کرسکیں گے۔ دبئی میں ہر سفر کے بعد ایمریٹس کے تمام جہازوں کو خصوصی صفائی کے ساتھ جراثیم کش اجزاء سے صاف کیا جائے گا۔

اعلان

مزید :

ملتان صفحہ آخر -