کراچی،ایس اوپیزپرعمل نہ کرنے پر3فیکٹریاں سیل کردی گئیں

  کراچی،ایس اوپیزپرعمل نہ کرنے پر3فیکٹریاں سیل کردی گئیں

  

کراچی(اسٹاف رپورٹر)سندھ حکومت کے ترجمان اور مشیر قانون بیرسٹر مرتضی وہاب نے کہاہے کہ حکومت سندھ نے کورونا وائرس ایس او پی کی خلاف ورزی پر پہلا بڑا ایکشن لیتے ہوئے کراچی میں تین صنعتی یونٹس کو سربمہر کردیا ہے۔مرتضی وہاب نے بتایا کہ کورونا ایس او پی پر عمل نہ کرنے والی دو ادویہ ساز کمپنیوں کو سربمہر کردیا گیا ہے۔ترجمان سندھ حکومت کے مطابق ضلعی انتظامیہ نے محکمہ داخلہ کی ایس او پی پر عملدرآمد کا جائزہ لیا، ڈپٹی کمشنر ضلع کورنگی کی سربراہی میں کارروائی کی گئی جس سے معلوم ہوا کہ دو ادویہ ساز اور چائے بنانے والی کمپنی نے ملازمین کیلئے ٹرانسپورٹ کا غلط استعمال کیا۔انہوں نے بتایا کہ ایس او پی کے تحت صنعتی ورکرز کی گاڑیوں میں سماجی فاصلہ لازمی ہے، ملازمین کی بڑی تعداد کو بس میں سوار کیا گیا تھا۔بیرسٹر مرتضی وہاب نے بتایاکہ بس میں خواتین ملازمین کی بڑی تعداد بھی موجود تھی۔انہوں نے اپیل کی کہ حکومت سندھ اور طبی ماہرین کی ہدایات پر خدارا عمل کیا جائے اور لاک ڈان میں دی گئی سہولت کے غلط استعمال سے گریز کیا جائے۔

مزید :

راولپنڈی صفحہ آخر -