امریکی صدرٹرمپ نے امریکا میں امیگریشن پر پابندی لگا دی، تہلکہ خیز خبرآگئی

امریکی صدرٹرمپ نے امریکا میں امیگریشن پر پابندی لگا دی، تہلکہ خیز خبرآگئی
امریکی صدرٹرمپ نے امریکا میں امیگریشن پر پابندی لگا دی، تہلکہ خیز خبرآگئی

  

واشنگٹن(ڈیلی پاکستا ن آن لائن)کورونا وائرس کی وجہ سے امریکا میں تباہ کاریوں کا سلسلہ جاری ہے۔ بڑی تعداد میں جانی و مالی نقصانات اور امریکیوں کی بے روزگاری نے امریکی صدر ٹرمپ کی انتظامیہ کو ہلا کر رکھ دیا ہے۔

صورتحال پرقابو پانے کیلئے امریکی صدر ڈونلڈ ٹرمپ نے امریکا میں امیگریشن پر پابندی عائد کرنے کا اعلان کردیا ہے۔سماجی رابطے کی ویب سائٹ ٹویٹر پر امریکی صدر ڈونلڈ ٹرمپ نے کہا کہ ©”ان دیکھے دشمن کے حملوں کے پیش نظراور عظیم امریکیوں کی ملازمتوں کے تحفظ کی خاطروہ متحدہ امریکا میں امگریشن کو عارضی طور پر معطل کرنے جارہے ہیں©“۔

امریکا میں اس وقت دوکروڑ بیس لاکھ افراد بے روزگار ہوچکے ہیں، کورونا وائرس کی وبا پر قابو پانے کی کوشش میں تیرہ فیصد ملازمت پیشہ افرادکام سے نکالے جاچکے ہیں ۔

گزشتہ ماہ ایک تقریب سے خطاب کے دوران امریکی صدر ٹرمپ نے یورپ سے آنے والے غیرملکیوں کی امریکا آمد پر پابندی کااعلان کیاتھا جبکہ ووہان میں وائرس کے پھیلاو کے دوران ہی انہوں نے چین سے امریکا آنے والوں پر پابندی عائد کردی تھی۔

اگرچہ امریکی صدر کے اس اعلان کی تفصیلات ابھی سامنے نہیں آئیں تاہم امریکی اخبار وال سٹریٹ جنرل کے مطابق ایسے امیگرینٹ جن کا تعلق شعبہ صحت سے ہے وہ اس پابندی سے مستثنیٰ ہوں گے۔

اس بات کو بھی پوائنٹ آوٹ کیا گیا ہے کہ امریکا کینڈا سرحد پہلے ہی بند ہے ، زیادہ تر ویزا درخواستوں پر کارروائی معطل کردی گئی ہے جبکہ امریکا کا پناہ دینے کا نظام گزشتہ ماہ سے بند پڑا ہے۔

امریکی صدارتی محل وائٹ ہاوس نے صدر کے اس حالیہ ٹویٹ پر ابھی کوئی تبصرہ نہیں کیا ہے تاہم امکان ظاہر کیاجارہاہے کہ امریکی صدر کا اقدام کئی قانونی مسائل کو جنم دے سکتا ہے۔

خیال رہے امریکی صدر ڈونلڈ ٹرمپ نے ایک ایسے وقت میں یہ ٹویٹ کیا ہے جب امریکا میں کورونا وائرس سے ہلاکتوں کی تعداد بیالیس ہزار سے تجاوز کرچکی ہے جبکہ کورونا سے متاثرہ افراد کی تعداد سات لاکھ اناسی ہزار سے تجاوز کرچکی ہے جن میں سے بیس ہزار نئے کیسز صرف پیر کو سامنے آئے۔

مزید :

بین الاقوامی -کورونا وائرس -