سپریم کورٹ نے وزیر اعظم کے 14 معاونین خصوصی اور پانچ مشیروں کے خلاف درخواست پر اعتراض لگا دیا

سپریم کورٹ نے وزیر اعظم کے 14 معاونین خصوصی اور پانچ مشیروں کے خلاف درخواست پر ...
سپریم کورٹ نے وزیر اعظم کے 14 معاونین خصوصی اور پانچ مشیروں کے خلاف درخواست پر اعتراض لگا دیا

  

اسلام آباد(ڈیلی پاکستان آن لائن) سپریم کورٹ  نے وزیراعظم کے مشیران اورمعاونین خصوصی کے خلاف درخواست اعتراض لگا کر واپس کر دی ہے۔عدالت عظمی کی جانب سے لگائے گئے اعتراض میں کہا گیا ہے کہ درخواست گزار نے متعلقہ فورم کا استعمال نہیں کیا اور درخواست میں عوامی مفاد سے متعلق وضاحت نہیں کی گئی۔

خیال رہے کہ ایڈووکیٹ جہانگیرجدون نے سپریم کورٹ میں آئینی درخواست دائر کی تھی جس میں ملک امین اسلم خان،عبدالرزاق داد حفیظ شیخ، عشرت حسین، ڈاکٹر ظہیرالدین بابر اعوان سمیت 14 معاونین خصوصی اور اور 5 مشیران کو بھی فریق بنایا گیا۔درخواست گزار نے  سپریم کورٹ سے استدعا کی  تھی کہ 5مشیران اور 14غیر منتخب معاونین خصوصی کی تقرریاں غیر آئینی قرار دی جائیں۔وزیرِ اعظم کے 5 مشیران میں ملک امین اسلم، عبدالرزاق داود، ڈاکٹر عبدالحفیظ شیخ، ڈاکٹر عشرت حسین اور ڈاکٹر ظہیر الدین بابراعوان شامل ہیں۔عمران خان کے 14 معاونینِ خصوصی ڈاکٹر ثانیہ نشتر، مرزا شہزاد اکبر، محمد شہزاد ارباب، سید ذوالفقارعباس بخاری، شہزاد سید قاسم، علی نواز اعوان، عثمان ڈار، ندیم افضل چن، سردار یار محمد رند، ڈاکٹر ظفر مرزا، فردوس عاشق اعوان، ندیم بابر، معید یوسف اور ڈاکٹر تانیہ شامل ہیں۔عدالت سے یہ استدعا بھی کی گئی تھی کہ 1973 کے رولز آف بزنس کا رول 4 (6) غیر آئینی قرار دیا جائے۔

مزید :

علاقائی -اسلام آباد -