پاکستان تحریک انصاف کو کلین چٹ نہیں دی جاسکتی، مصطفی کمال
کراچی (اسٹاف رپورٹر)پاک سرزمین پارٹی کے چیئرمین مصطفی کمال نے کہاہے کہ پاکستان تحریک انصاف کو کلین چٹ نہیں دی جاسکتی ہے۔پریس کانفرنس کرتے ہوئے چیئرمین پی ایس پی مصطفی کمال نے کہاکہ کسی کوشک نہیں 2018 کا الیکشن چوری شدہ تھا کیونکہ 2018 کے الیکشن میں پی ٹی آئی کو اسٹیبلشمنٹ کی سپورٹ تھی۔انہوں نے کہا کہ عمران خان کووزیراعظم بنانے والوں کوان کے رویے کا نہیں پتہ تھا، وہ نہیں جانتے تھے کہ وہ اپوزیشن سے بات نہیں کرینگے۔انہوں نے بتایا کہ حکومت بننے کے بعد ہی آئینی بحران پیدا ہوگیا تھا اور اب عمران خان کی وجہ سے یہ نالائق ہم پر حکومت کریں گے۔انہوں نے کہاکہ آج عمران خان جن پارٹیوں کو چور ڈاکو کہہ رہے ہیں جس کی اصل وجہ خود پی ٹی آئی ہی ہے، چار سالو میں جو کیا ان کی وجہ سے یہ سب ممکن ہوا ہے۔مصطفی کمال نے کہاکہ آج پی ٹی آئی افواج ججز کو برا بلا کہہ رہے ہیں اور یہیں عدالتیں نواز شریف کو نکال رہی تھی اس وقت آپ خوش تھے۔انہوں نے کہا کہ عمران خان نے ریاست مدینہ کو ایک مذاق بنا دیا ہے اور اب پاکستانی پاسپورٹ کو جلایا جارہا ہے۔انہوں نے عمران خان اور ان کی پارٹی کو تنقید کا نشانہ بناتے ہوئے کہا کہ جو پی ٹی ائی کے ساتھ ہے وہ امر بل المعروف ہے اور جو آپ لا نہیں وہ غلط راستے پر گامزن ہے۔انہوں نے کہاکہ آج جن عمران خان نے اداروں کو تنقید کا نشانہ پر لیا اور افواج کے سربراہان کے خلاف ٹرینڈ چلا رہے ہوں جب یہی آپ کی حکومت بنا رہے تھے تو آپ ان کے ساتھ تصاویر بنوارہے تھے، تب تو سب کچھ ٹھیک تھا اور آج پاکستان کے ان افواج کو برا بلا کررہے ہیں۔انہوں نے کہا کہ عمران خان آج کہہ رہے کہ جسٹس فائز عیسی کیخلاف ریفرنس ہماری غلطی تھی اور یہ 2 سال بعد کہیں گے کہ جو آج کررہے ہیں وہ غلط ہے تو پھر کیا کریں گے۔
