دوسرا ون ڈے: ویسٹ انڈیز ویمن نے پاکستان کو 2 وکٹوں سے شکست دیکر سیریز اپنے نام کرلی

دوسرا ون ڈے: ویسٹ انڈیز ویمن نے پاکستان کو 2 وکٹوں سے شکست دیکر سیریز اپنے نام ...
دوسرا ون ڈے: ویسٹ انڈیز ویمن نے پاکستان کو 2 وکٹوں سے شکست دیکر سیریز اپنے نام کرلی

  IOS Dailypakistan app Android Dailypakistan app

کراچی (ڈیلی پاکستان آن لائن )ویسٹ انڈیز ویمن کرکٹ ٹیم نے پاکستان ویمن ٹیم کو دوسرے ون ڈے میں 2 وکٹوں سے شکست دے کر تین ایک روزہ میچز کی سیریز اپنے نام کرلی، سیریز کا آخری ون ڈے 23 اپریل کو کھیلا جائےگا۔
نجی ٹی وی جیو نیوز کے مطابق کراچی کے نیشنل بینک سٹیڈیم میں پاکستان ویمن ٹیم کی کپتان ندا ڈار نے ٹاس جیت کر بیٹنگ کا فیصلہ کیا، قومی ویمن ٹیم 48.5 اوورز میں223 رنز بنا سکی۔پاکستان کی جانب سے بسمہ معروف 65، سدرہ امین 50 اور نجیحہ علوی 25 رنز بنا کر نمایاں رہیں۔جواب میں ویسٹ انڈیز ویمن کی سٹیفنی ٹیلر نے 73 رنز بنائے شیمائن کیمبل 52 اور ہیلی میتھیوز 44 رنز کے ساتھ نمایاں رہیں۔
پاکستان کی جانب سے ندا ڈار 4، ام ہانی 2 سعدیہ اقبال اور فاطمہ ثنا نے ایک ایک وکٹ حاصل کی۔
دلچسپ مقابلے میں ویسٹ انڈیز کو آخری بال پر تین رنز درکار تھے جب فاطمہ ثنا کی لاسٹ بال کیپر کے ہاتھوں سے نکلتے ہوئے باو¿نڈری لائن کراس کرگئی اور یوں ویسٹ انڈیز ویمن نے دلچسپ مقابلے کے بعد پاکستان ویمن کو دوسرے ون ڈے میں 2 وکٹوں سے شکست دے کر تین میچز کی سیریز اپنے نام کرلی۔میچ میں کپتان ندا ڈار نے 108 میچز میں 100 وکٹوں کا سنگ میل بھی عبور کرلیا۔ویسٹ انڈیز ویمن ٹیم نے پہلے ون ڈے میں پاکستان کو 113 رنز سے شکست دی تھی۔یہ سیریز آئی سی سی ویمن چیمپئن شپ کا حصہ ہے۔

مزید :

کھیل -قومی -