شہداد کوٹ(مانیٹرنگ ڈیسک) سندھ کے شہر شہداد کوٹ میں شوہر نے بیوی اور اس کے مبینہ آشنا کو فائرنگ کرکے قتل کر دیا۔ نجی ٹی وی چینل 24نیوز کے مطابق یہ واردات ای سیکشن پولیس سٹیشن کی حدود میں واقع نورجہاں کالونی میں ہوئی جہاں 20سالہ فائزہ بھٹی اور 25سالہ سہراب امرانی کو قتل کیا گیا۔
پولیس کے مطابق سہراب امرانی نامی مقتول کا تعلق بلوچستان کے علاقے اوستا محمد سے تھا۔ ملزم نے اپنے بھائی کی مدد سے لڑکی اور اس کے آشنا کو موت کے گھاٹ اتارا۔پولیس نے مقتولین کی لاشیں پوسٹ مارٹم کے لیے ہسپتال منتقل کر دی ہیں اور ملزمان کی گرفتاری کے لیے چھاپے مارے جا رہے ہیں۔