جعلسازی سے امریکی ڈالر کی ٹرانزیکشن کرنیوالے ملزم پر فرد جرم عائد

جعلسازی سے امریکی ڈالر کی ٹرانزیکشن کرنیوالے ملزم پر فرد جرم عائد

  

لاہور(نامہ نگار)سیشن عدالت نے انٹرنیٹ کے ذریعے جعل سازی سے 20ہزار امریکی ڈالر کی ٹرانزیکشن کرنیوالے ملزم پر فرد جرم عائدکر دی۔ایڈیشنل سیشن جج میاں شہزاد رضا نے سائبر کرائم میں ملوث ملزم عدیل شوکت کے مقدمہ کی گزشتہ روزسماعت کی، ایف آئی اے کے پراسیکیوٹر مسعود نسیم نے عدالت میں موقف اختیار کیا کہ ملزم عدیل شوکت نے ایکسل فنانشل سروس کے مالک کے خفیہ پاسورٹ کا استعمال کرتے ہوئے جعل سازی سے مارچ 2012میں بذریعہ انٹرنیٹ 20ہزار امریکی ڈالرز کی بین الاقوامی ٹرانزیکشن کی، ایکسل فنانشل سروس کے مالک اعجاز مرزا کی درخواست پر ایف آئی اے نے 5 جولائی 2013میں مقدمہ درج کر کے تفتیش کی اور ملزم عدیل شوکت کے خلاف چالان عدالت میں جمع کرا دیا، ایف آئی اے پراسیکیوٹر نے عدالت کو بتایا کہ ملزم عدیل پر ایف آئی اے تفتیش میں ملزم پر الزام ثابت ہو چکا ہے

۔

۔

۔

۔

۔

۔

۔

۔

 تاہم عدالت نے ریکارڈ اور شواہد دیکھنے کے بعد ملزم عدیل شوکت پر فرد جرم عائد کرتے ہوئے سماعت آئندہ پیشی تک ملتوی کردی ہے۔

 

مزید :

میٹروپولیٹن 4 -