محمود خان وزیراعلیٰ ہاﺅس میں رہیں گے نہ پروٹوکول لیں گے : ترجمان خیبر پختون خواحکومت

محمود خان وزیراعلیٰ ہاﺅس میں رہیں گے نہ پروٹوکول لیں گے : ترجمان خیبر پختون ...
محمود خان وزیراعلیٰ ہاﺅس میں رہیں گے نہ پروٹوکول لیں گے : ترجمان خیبر پختون خواحکومت

  

پشاور (ڈیلی پاکستان آن لائن ) خیبر پختونخوا کی حکومت کے ترجمان شوکت یوسف زئی نے کہا ہے کہ محمود خان وزیر اعلیٰ ہاوس میں رہائش اختیار نہیں کریں گے اورنہ ہی پروٹوکول لیں گے۔

نجی ٹی وی دنیانیوز کے مطابق ترجمان کے پی حکومت کا کہنا ہے کہ وزیرِ اعلیٰ محمود خان نے فیصلہ کیا ہے کہ ان کی نقل و حرکت کے دوران سڑکیں بند نہیں ہوں گی، وہ وزیرِ اعلیٰ ہاوس میں بھی نہیں رہیں گے۔ خیبر پختونخوا کے وزیرِ اعلیٰ ہاوس میں سادگی اختیار کی جائے گی، اور وزیر اعلیٰ کے زیر استعمال جتنی گاڑیاں ہیں ان کی تعداد میں کمی لائی جائے گی۔

ترجمان شوکت یوسف زئی نے وزیرِ اعلیٰ کے شیڈول کے حوالے سے میڈیا کو بتایا کہ محمود خان صبح 9 بجے دفتر میں اپنی حاضری یقینی بنائیں گے۔ترجمان کے مطابق وزیرِ اعلیٰ محمود خان دوپہر 2 سے سہ پہر 5 بجے تک اسمبلی کے ارکان سے ملاقاتیں کریں گے ، اور عید کا پہلا دن پشاور میں گزاریں گے۔

مزید : علاقائی /خیبرپختون خواہ /پشاور