پشاور زلمی نے نوجوانوں کو سرگرم رکھنے کے لیے زلمی فورس پروگرام لانچ کردیا،رجسٹریشن کا طریقہ کار جانئے
پشاور (ڈیلی پاکستان آن لائن) پاکستان سپر لیگ نمبرون فرنچائز پشاور زلمی کا ایک اور بڑا اعلان ، پشاور زلمی نے زلمی فاؤنڈیشن کے تحت ملک بھر میں نوجوانوں کو سرگرم رکھنے کے لیے زلمی فورس پروگرام لانچ کردیا، پورے پاکستان سے طلبا اور طالبات www.ZalmiForce.com سے رجسٹریشن کراسکتے ہیں۔
پشاور زلمی نے زلمی فاؤنڈیشن ، گلوبل زلمی لیگ ،زلمی اسکول لیگ، زلمی مدرسہ لیگ کی کامیابی کے بعد زلمی فورس پروگرام کا اعلان کردیا ۔ زلمی فورس پروگرام کے تحت پاکستان بھر میں نوجوانوں کو جہاں ایک پلیٹ فارم مہیا کیا جارہا ہے وہیں مختلف سماجی ، فلاحی اور کھیلوں کے مقابلوں سمیت انسداد پولیو ، انسداد منشیات کی آگاہی مہم سمیت سیمینارز اور متعدد سرگرمیوں کا انعقاد کیا جائیگا ۔
پشاور زلمی کے چیرمین جاوید آفریدی نے کہا کہ www.Zalmiforce.com کی ویب سائٹ کے ذریعے پہلے مرحلے میں پاکستان بھر میں تمام چھوٹے بڑے شہروں میں ممبر سازی مہم شروع کی جارہی ہے۔ اس ویب سائٹ کے ذریعے نوجوان طلبا اور طالبات ممبر سازی کے بعد اپنے شہر کی مقامی زلمی فورس اور اس کے ذریعے سنٹرل زلمی فورس پلیٹ فارم سے منسلک ہوجائیں گے، اس پلیٹ فارم کے ذریعے نوجوانوں کو ان کے شہروں میں کھیلوں ، سماجی ، فلاحی اور مختلف آگاہی پروگرامز کا حصہ بنایا جائےگا ۔
کسی بھی ملک کی تعمیر اور ترقی میں نوجوانوں کا کردار ہمشہ سے ہی اہم ہوتا ہے۔ پاکستان ان خوش نصیب ممالک میں ہے جہاں یوتھ میں بےپناہ قابلیت اور اپنے وطن کے روشن ترقی کے لیے عظیم جزبہ موجود ہے۔ آئیں اور تبدیلی کے اس سفر میں ہمارے ساتھ @ZalmiForce کا حصہ بن کر اپنے ملک کی خدمت کریں۔ https://t.co/szZijWYUnn
— Javed Afridi جاوید آفریدی (@JAfridi10) August 20, 2019
پشاور زلمی گلوبل زلمی لیگ کے ذریعے بین الاقوامی شناخت اور تیس سے زائد غیر ملکی زلمی کلبز کی حامل پاکستان کی واحد اسپورٹس فرنچائز ہے اور اب زلمی فورس کی بدولت زلمی فاؤنڈیشن کے ذریعے پشاور زلمی پاکستان کے تمام شہروں میں اپنا منفرد پلیٹ فارم قائم کررہی ہے جس کا مقصد نوجوان طلبا اور طالبات کو صلاحیتوں کے اظہار اور نصابی و غیر نصابی سرگرمیوں کا موقع فراہم کرنا ہے ،اس پروگرام کے تحت باصلاحیت طلبا کو زلمی فورس پروگرام میں لیڈر شپ رولز بھی دئیے جائیں گے ۔
ہمارا مقصد معاشرے میں مثبت سوچ کو فروغ اور نوجوانوں کے لیے ایک پلیٹ فارم مہیا کرنا ہے جہاں پر وہ اپنی صلاحیتوں کو بروئے کار لاکر گراس روٹس لیول تک تبدیلی کے سفر کو عملی جامہ پہنانے میں اپنا کردار آدر کریں۔ @ZalmiForce معاشرے میں بھائی چارے اور پرامن پاکستان کے لیے کام کریگی۔ https://t.co/WRYOdJ8tms
— Javed Afridi جاوید آفریدی (@JAfridi10) August 20, 2019