”سعودی عرب اور پاکستان کے تعلقات اچھے رہیں گے، دونوں ممالک کے ۔۔۔“ شاہ محمود قریشی ایک بار پھر کھل کر بول پڑے

”سعودی عرب اور پاکستان کے تعلقات اچھے رہیں گے، دونوں ممالک کے ۔۔۔“ شاہ ...
”سعودی عرب اور پاکستان کے تعلقات اچھے رہیں گے، دونوں ممالک کے ۔۔۔“ شاہ محمود قریشی ایک بار پھر کھل کر بول پڑے

  

اسلام آباد (ویب ڈیسک) وزیر خارجہ شاہ محمود قریشی کا کہنا ہے کہ پاکستان اور سعودی عرب ایک دوسرے کی ضرورت ہیں اور دونوں ممالک کے تعلقات میں کوئی قدغن نہیں۔

جیو نیوز کے مطابق وزیر خارجہ شاہ محمود قریشی ان دنوں سرکاری دورے پر چین میں موجود ہیں جہاں سے بذریعہ ٹیلی فون گفتگو کرتے ہوئے شاہ محمود قریشی نے کہا کہ ایک سال میں مقبوضہ کشمیر کےحالات میں تبدیلی آئی ہے، کشمیر میں جو کچھ ہو رہا ہے وہ کسی سے پوشیدہ نہیں، کشمیر کی حالت تیزی سے بگڑ رہی ہے آج بھارت کے اندر سے آوازیں اٹھنا شروع ہوگئی ہیں، مودی سرکاری کی کشمیر پالیسی سے کشمیری نالاں ہیں، حالات پہلے سے زیادہ خراب ہوچکے ہیں۔

وزیر خارجہ کا کہنا تھا کہ چین ہر کڑے وقت میں ہمارے ساتھ کھڑا رہا ہے، سی پیک کی اہمیت سے کوئی انکار نہیں کرسکتا، سی پیک پراجیکٹ کی جلد تکمیل سے متعلق بھی تبادلہ خیال ہوگا، مجھےامید ہے کہ چین کےہم منصب سے ملاقات سود مند رہے گی۔سعودی عرب سے متعلق بات کرتے ہوئے انہوں نے کہا کہ سعودی عرب اور پاکستان کے تعلقات اچھے رہے ہیں اور اچھے رہیں گے، دونوں ممالک کے تعلقات پر کوئی قدغن نہیں ہے، رخنہ ڈالنے والوں کو ناکامی ہوگی۔

وزیر خارجہ کا کہنا تھا کہ سعودی عرب نے فلسطین کے معاملے پر دو ٹوک موقف اپنایا ہے، سعودی عرب نے واضح بیان دیا ہے وہ پاکستان کے مو¿قف کے عین مطابق ہے، سعودی عرب اور پاکستان کی فلسطین پر مماثلت ہے۔

شاہ محمود قریشی نے مزید کہا کہ میری خواہش ہے کہ آئندہ کچھ دنوں میں سعودی عرب کے ساتھ مزید نشستیں ہوں، ہم ایک دوسرے کی ضرورت رہے ہیں اور آج بھی ہیں، دو دوست ممالک ہیں ان کی ہم سے توقعات ہیں چاہتے ہیں، چاہتے ہیں کہ ایک دوسرے کی توقعات پر پورا اتریں، چاہتے ہیں کہ دوست ممالک بھی ہماری توقعات کو سامنے رکھتے ہوئے منصوبہ بندی کریں۔

مزید :

علاقائی -اسلام آباد -