ٹیسٹ کرکٹ میں 500 وکٹیں مکمل کرنے والے سٹورٹ براڈ کو خوبصورت تحفہ مل گیا

ٹیسٹ کرکٹ میں 500 وکٹیں مکمل کرنے والے سٹورٹ براڈ کو خوبصورت تحفہ مل گیا
ٹیسٹ کرکٹ میں 500 وکٹیں مکمل کرنے والے سٹورٹ براڈ کو خوبصورت تحفہ مل گیا

  

ساؤتھمپٹن (ڈیلی پاکستان آن لائن) ٹیسٹ کرکٹ میں 500 ٹیسٹ وکٹیں لینے والے انگلش فاسٹ باﺅلر سٹورٹ براڈ کو چاندی کی وکٹ تحفے میں مل گئی ہے۔ 

تفصیلات کے مطابق انگلینڈ اینڈ ویلز کرکٹ بورڈ (ای سی بی) کی جانب سے فاسٹ بولر سٹورٹ براڈ کو چاندی سے بنی ہوئی یہ وکٹ پیش کی گئی ہے، خوبصورت فریم میں سجی یہ وکٹ انگلینڈ کرکٹ بورڈ کے چیئرمین کولن گریوز نے فاسٹ باﺅلر کو پاکستان اور انگلینڈ کے درمیان میچ شروع ہونے سے پہلے ایک چھوٹی سی تقریب کے دوران دی۔

سٹیورٹ براڈ جیمز ایندرسن کے بعد دوسرے باﺅلر ہیں جنہوں نے 500 سے زیادہ ٹیسٹ شکار کئے، براڈ نے تیسرے ٹیسٹ میں ویسٹ انڈیز کے اوپنر کریگ بریتھ ویٹ کو آﺅٹ کرکے اپنی 500 وکٹ مکمل کی تھیں۔ 

اسی تقریب میں انگلینڈ کرکٹ ٹیم کے کپتان جو روٹ نے ای سی بی کے چیئرمین کولن گریوز کو دستخط شدہ شرٹ بھی پیش کی، کولن گریوز کے عہدے کی معیاد رواں ماہ میں ختم ہورہی ہے۔

مزید :

کھیل -