باقاعدہ تعلیم حاصل نہ کرنے پر کمی محسوس ہوتی ہے ،ابتدائی تعلیم گھر میں ہی حاصل کی :صدرمملکت

باقاعدہ تعلیم حاصل نہ کرنے پر کمی محسوس ہوتی ہے ،ابتدائی تعلیم گھر میں ہی ...
باقاعدہ تعلیم حاصل نہ کرنے پر کمی محسوس ہوتی ہے ،ابتدائی تعلیم گھر میں ہی حاصل کی :صدرمملکت

  

اسلام آباد (ڈیلی پاکستان آن لائن )صدر مملکت ممنون حسین نے کہا ہے کہ باقاعدہ سکول نہ جانے پر کمی محسوس ہوتی ہے ،ابتدائی تعلیم گھر میں ہی حاصل کی ہے ۔

کیڈٹ کالج حسن ابدال میں یوم والدین کی تقریب سے خطاب کرتے ہوئے انہوں نے کہا کہ جب بھی ایسی تقریب میں آتا ہوں تو سکول نہ جانے پر کمی محسوس ہوتی ہے ،ابتدائی تعلیم گھر میں ہی حاصل کی ہے ۔انہوں نے کہا کہ طالب علم چیلنجز سے نمٹنے کے لیے خود کو آنے والے دور کے لیے تیار کریںاور سوچیں کہ پاکستان کے لیے کیا کر سکتے ہیں ۔ان کا کہنا تھا کہ طالب علم ہمیشہ اللہ کا شکر ادا کرتے رہا کریں کیونکہ اللہ کا کر م ہوتا ہے جو کامیابیوں سے ہمکنار کرتا ہے ۔ممنون حسین کا کہنا تھا کہ طلب علم ملکی ترقی و استحکام کے لیے جدید علوم سے استفادہ کریں ،ایمانداری اور قانون کی پاسداری کرنے والوں کو عزت ملتی ہے ۔صدر مملکت نے کہا کہ اے پی ایس پشاور میں شہید ہونے والے بچے اور اساتذہ ہمارے محسن ہیں۔

مزید : قومی