علی ظفر کا نئے ریپرز کو ایک لاکھ روپے انعام دینے کا اعلان

علی ظفر کا نئے ریپرز کو ایک لاکھ روپے انعام دینے کا اعلان
علی ظفر کا نئے ریپرز کو ایک لاکھ روپے انعام دینے کا اعلان
سورس: Facebook/aly.zafar

  

 اسلام آباد (آئی ا ین پی) معروف گلوکار و اداکار علی ظفر نے اپنے نئے گانے بھائی حاضر ہے میں نئے ریپرز کو موقع دینے اور ایک لاکھ روپے تک انعام دینے کا اعلان کردیا۔

سوشل میڈیا سائٹس پر علی ظفر نےایک ویڈیو پیغام شیئر کیا جس کے آغاز میں ان کے نئے گانے بھائی حاضر ہے کہ میوزک بِیٹ بج رہی ہے۔ علی ظفر نے ویڈیو کے آغاز کے چند سیکنڈ بعد اعلان کیا کہ بھائی حاضر ہے کے حوالے سے ہم ایک مقابلے کا انعقاد کرنے جارہے ہیں، جس میں ریپ گانے والے گلوکار حصہ لے سکتے ہیں۔

انہوں نے بتایا کہ ریپرز بھائی حاضر ہے کی بیٹ کو ڈان لوڈ کر کے اس پر ریپنگ کریں اور ویڈیو ریکارڈ کر کے اسے فیس بک پیج پر اپلوڈ کریں۔ علی ظفر نے اعلان کیا کہ سب سے زیادہ پسند کیے جانے والے ریپر کو ایک لاکھ، دوسرے پر آنے والے کو پچاس ہزار اور تیسرے نمبر پر آنے والے ریپر کو 25 ہزار روپے نقد انعام دیا جائے گا۔

مزید :

تفریح -