ارطغرل کے اداکار انگین آلتان سے فراڈ کرنے والا کاشف ضمیر جیل سے رہا
لاہور(ڈیلی پاکستان آن لائن)معروف ترک ڈرامہ سیریل ارطغرل غازی کے مرکزی کردار انگین آلتان سے فراڈ کرنے والے ملزم کاشف ضمیر کو ضمانت پر رہا کردیا گیا۔
تفصیلات کے مطابق کاشف ضمیر کیخلاف انگین التان کی مدعیت میں لاہور کے تھانہ ریس کورس میں مقدمہ درج کیا گیا تھا۔ ایف آئی آر کے مطابق ملزم کاشف ضمیر نے چوہدری گروپ آف انڈسٹریز کی شوٹنگ کیلئے انگین التان کو پاکستان بلوایا لیکن یہاں آنے پر کاشف ضمیر کی جانب سے رقم ادا نہ کی گئی۔ ترک اداکار کی جانب سے رقم کا تقاضہ کرنے پر ملزم نے معاہدہ ہی منسوخ کردیا تھا۔ملزم کاشف ضمیر کو 18 جون 2021ء کو گرفتار کیا گیا تھا۔
