جناح ہسپتال میں دہشتگردی سے نمٹنے کیلئے ریہرسل، بھگدڑ مچنے سے 4 افراد زخمی

جناح ہسپتال میں دہشتگردی سے نمٹنے کیلئے ریہرسل، بھگدڑ مچنے سے 4 افراد زخمی

  

لاہور ( خبرنگار) جناح ہسپتال میں دہشتگردی سے نمٹنے کیلئے اچانک ریہرسل کی گئی جسکے نتیجہ میں بھگدڑ مچنے سے 4 افراد زخمی ہوگئے۔تفصیلات کے مطابق دہشتگر دی اور ناشگوار صورتحال سے نمٹنے کیلئے جناح ہسپتال میں مشق کی گئی جس سے مریضوں،ڈاکٹرز،نرسوں اور مریضوں کے لواحقین کی دوڑیں لگ گئیں پولیس،بی ڈی ایس اور ریسکیو1122 کی جانب سے اچانک کی گئی مشق کے نتیجے میں بھگدڑ مچنے اور ہنگامی صورتحال کی اطلاع ملنے پرڈاکٹرز،نرسیں اور لواحقین مریضوں کو چھوڑ کر بھاگ نکلے۔بھگدڑ مچنے سے ہسپتال وارڈز کے شیشے بھی ٹوٹ گئے اور 4 افراد زخمی ہوگئے۔بغیر اطلاع پر مشقیں کرنے پر ڈاکٹروں اور پیرامیڈیکل سٹاف میں شدید غصے کی لہر دوڑ گئی جس کی وجہ سے ڈاکٹروں اوردیگر نے ہسپتال میں کام پرواپس جانے سے انکار کردیا۔

مزید :

صفحہ آخر -