جیو پر حملہ ارشاد بھٹی کی کس بات پر ہوا؟ ویڈیو سامنے آگئی
کراچی (ڈیلی پاکستان آن لائن) نجی ٹی وی جیو نیوز کے دفتر پر آج ایک سندھی قوم پرست جماعت کی طرف سے حملہ کیا گیا جس کی وجہ تجزیہ کار ارشاد بھٹی کی ایک برجستہ بات بنی تھی۔
ارشاد بھٹی نے پروگرام خبرناک میں گفتگو کرتے ہوئے سندھیوں کو ’بھوکے ننگے‘ قرار دیا تھا۔ انہوں نے بلاول کی ڈمی سے گفتگو کرتے ہوئے کہا تھا کہ ’ سندھ کے آپ کے جلسوں میں جو بھوکے ننگے آتے ہیں ان کو آپ پیسے بھی نہیں دیتے۔‘
ارشاد بھٹی کے اس برجستہ جملے پر جیو نیوز نے باضابطہ معافی نشر کی اور وضاحتی بیان بھی جاری کیا تھا تاہم اس کے باوجود آج سندھی قو م پرست جماعت کی جانب سے جنگ جیو کے مرکزی دفتر پر حملہ کیا گیا۔
قوم،نسل یا برادری ازم کی بنیاد پر کسی بھی تعصب کی یہاں گنجائش ہے نہ ہی اسے ہوا دی جا سکتی ہے،سندھی بھی پاکستانی بھائی ہیں ارشاد بھٹی اور جیو نے خبرناک پروگرام میں سندھیوں کو مزاح میں 'بھوکا ننگا' قرار دینے پر معذرت بھی کر لی تھی لہذا جیو جنگ پر حملہ قابل مذمت ہے#mothertongue pic.twitter.com/DoMBa3XxZ2
— Abdul Majeed Sajid (@AMajeedSajid) February 21, 2021