شاہد آفریدی نے شاہین آفریدی کو اہم مشورہ دے دیا
کراچی(ڈیلی پاکستان آن لائن)قومی کرکٹ ٹیم کے سابق کپتان شاہد آفریدی نے شاہین کو مشورہ دیتے ہوئے کہا ہے کہ وہ اسٹمپ سے بہت دور باولنگ کررہے ہیں جس کی وجہ سے انہیں رنز پڑرہے ہیں۔
مقامی ٹی وی پر گفتگو کرتے ہوئے سابق کپتان شاہد آفریدی نے کہا کہ شاہین کو گیند کی لائن اور لینتھ ٹھیک کرنا پڑے گی، وہ سٹمپ سے دور گیندبازی کررہے ہیں، انہیں وسیم اکرم کی طرح سٹمپ میں گیند کو اندر لانے کی کوشش کرنی چاہیے۔انہوں نے شاہین کو مشورہ دیتے ہوئے کہا کہ انہیں اپنی پرانی ویڈیوز دیکھنے کی ضرورت ہے، وہ اننگز کے اختتامی اوورز میں یارکر کی کوشش میں فل ٹاس گیندیں کروا رہے ہیں جس سے حریف ٹیم کو فائدہ پہنچ رہا ہے۔
