الطاف حسین، ایم انورو حواریوں کو ایم آئی سکس ، سی آئی اے اور را کی مدد حاصل ، عمران فاروق قتل کیس میں وعدہ معاف گواہ بننے کو تیار ہوں: ملزم خالد شمیم

اسلام آباد(مانیٹرنگ ڈیسک)ملزم خالد شمیم نے ڈاکٹر عمران فاروق قتل کیس میں وعدہ معاف گواہ بننے کی پیشکش کردی اور الزام لگایا ہے کہ الطاف حسین، ایم انور اور حواریوں کو ایم آئی سکس ، سی آئی اے اور را کی مدد حاصل ہے۔
انسداد دہشتگردی کی عدالت کے احاطہ میں پیشی کے وقت میڈیا سے گفتگو کرتے ہوئے ملزم خالد شمیم کاکہنا تھا کہ میں یہ کیس عالمی عدالت انصاف لے جانا چاہتا ہوں مجھے عوام کی مدد چاہیے۔ اس موقع پر ایک صحافی نے سوال کیا کہ کیا آپ اس کیس میں وعدہ معاف گواہ بنیں گے؟ جس پر ملزم کا کہنا تھا کہ جی بالکل بنوں گا۔
خالد شمیم نے مزید الزام لگاتے ہوئے کہا کہ معلوم ہے الطاف حسین، ایم انور اور حواریوں کو ایم آئی سکس ، سی آئی اے اور را کی مدد حاصل ہے۔عمران فاروق قتل کیس میں اقبالی بیان سوچ سمجھ کر دیا تھا اور جو بیان دیا ہے اس پر ابھی تک قائم ہوں۔
واضح رہے کہ ملزم خالد شمیم اورمحسن علی کو 14 روزہ ریمانڈ ختم ہونے پر اے ٹی سی پیش کیا گیا تھا جہاں ان کو مزید 14 روزہ جوڈیشل ریمانڈ پر اڈیالہ جیل بھیج دیا گیا ہے۔