ویسٹرن یونین نے انسانی اسمگلروں کو رقم کی ادائیگی کا الزام مان لیا، ہرجانہ ادا کرنا ہوگا

ویسٹرن یونین نے انسانی اسمگلروں کو رقم کی ادائیگی کا الزام مان لیا، ہرجانہ ...
ویسٹرن یونین نے انسانی اسمگلروں کو رقم کی ادائیگی کا الزام مان لیا، ہرجانہ ادا کرنا ہوگا

  

واشنگٹن(صباح نیوز)ویسٹرن یونین نے اپنے اوپر لگے انسانی اسمگلروں کو رقم کی ادائیگی کا الزام مان لیا، 58 کروڑ 60 لاکھ ڈالر ہرجانہ ادا ہوگا۔

امریکی اتھارٹیز کے مطابق امریکا آئے چینی مہاجرین ویسٹرن یونین کے ذریعے انسانی اسمگلروں کو رقم بھیجتے آئے ہیں، فیڈرل رپورٹنگ سے بچنے کیلئے رقم چھوٹی مالیت میں بھیجی جاتی تھی۔اسکے علاوہ انعامات اور نوکریوں کا لالچ دے کر کئی صارفین کے ساتھ 2004 سے 2012 کے دوران ویسٹرن یونین کے ذریعے جعل سازی کی گئی۔ویسٹرن یونین کے ایجنٹس کو رقوم کی منتقلی کے بارے میں علم تھا اور وہ اس پر کمیشن بھی لیتے رہے لیکن کارروائی نہیں کی۔ 2004 سے 2015 کے دوران ساڑھے پانچ لاکھ شکایتیں موصول ہوئیں جن میں سے 80 ہزار امریکا سے موصول ہوئیں۔

مزید : بین الاقوامی