غیر نمونہ نمبر پلیٹ والی گاڑیوں کیخلاف گرینڈ آپریشن، فیصلہ دارالحکومت کی سکیورٹی فول پروف بنانے کیلئے کیا:آئی جی اسلام آباد
اسلام آباد (ڈیلی پاکستان آن لائن) آئی جی اسلام آباد طارق مسعود نے کہا ہے کہ دارالحکومت کی سکیورٹی کو بہتر بنانے کیلئے غیر نمونہ نمبر پلیٹ والی گاڑیوں کیخلاف گرینڈ آپریشن کافیصل کیا گیا ہے۔
تفصیلات کے مطابق میڈیا سے گفتگوکرتے ہوئے آئی جی اسلام آباد کا کہنا تھا کہ غیرنمونہ نمبرپلیٹس سے متعلق خصوصی آگاہی مہم چلائی جائے گی،جس میں کل سے غیر نمونہ پلیٹس والی گاڑیوں کیخلاف کارروائی کی جائے گی۔انہوں نے کہاکہ غیرنمونہ نمبرپلیٹ والی گاڑی کو اسلام آباد میں داخل نہیں ہونے دیاجائےگا، صرف کمپیوٹرائزڈ نمبرپلیٹ والی گاڑی کو داخلے کی اجازت ہوگی۔
