ایک سال پہلے کہا تھا لوگ پانامہ کو بھول جائیں گے، نواز شریف کی مقبولیت نے میرا دعویٰ ثابت کردیا : خواجہ آصف
اسلام آباد(ڈیلی پاکستان آن لائن) وزیر خارجہ خواجہ آصف نے کہا ہے کہ میں نے ایک سال قبل کہا تھا کہ پانامہ کیس کو بھکا دیا جائے گا اور عوام میں نواز شریف کی مقبولیت بتاتی ہے کہ لوگ پانامہ کیس کو سمجھتے ہیں۔
سماجی رابطوں کی ویب سائٹ ”ٹوئٹر “ پر ٹوئٹ کرتے ہوئے وزیرخارجہ خواجہ آصف کا کہنا تھا کہ پانامہ کیس میں سابق وزیر اعظم کا نام تک نہیں تھا اور نہ ہی ان کے خلاف پانامہ کے تحت کوئی فیصلہ آیا ہے۔ نواز شریف کی بڑھتی ہوئی مقبولیت بتا رہی ہے کہ پاکستان کے عوام پانامہ کیس کو سمجھتے ہیں ۔ اس کیس میں میں سینکڑوں نام تھے ،جن کے پروسیکیوشن کے منتظر ہیں۔ میںنے ایک سال پہلے کہا تھا کہ لوگ پانامہ بھول جائیں گے اور آج میں ایک بار پھر کہتا ہوں کہ پانامہ کیس بھلا دیا گیا ہے۔
کسی ادارے یا فرد کا نمک کسی عزت و حسب نسب والے شخص نے کھایا ھو تو وہ شکر گزار و احسان مند اور دعا گو ھو تا ھے۔۔گالی یا لعن طعن کر نے والا صرف اپنی اصلیت کی پہچا ن کرا تا ھے
— Khawaja M. Asif (@KhawajaMAsif) January 21, 2018
وزیر خارجہ کا مزید کہنا تھا کہ کسی ادارے یا فرد کا نمک کسی عزت و حسب نسب والے شخص نے کھایا ہو تو وہ شکر گزار و احسان مند اور دعا گوہوتا ہے۔گالی یا لعن طعن کر نے والا صرف اپنی اصلیت کی پہچا ن کرا تا ہے۔تاہم انہوں نے اپنے اس ٹوئٹ میں کسی بھی شخص کا نام نہیں لایا۔
Yr back I said Panama will b forgetten..MNS was neither mentioned therein nor judgement against him reffered Panama.MNS roaring popularity manifests that people understand Panama.100s names mentioned therein await prosecution.I reiterate Panama is forgotten
— Khawaja M. Asif (@KhawajaMAsif) January 21, 2018
