بھارت ،ڈاکٹر ذاکر نائیک کی مزید 16کروڑ کی جائیداد ضبط کر لی گئی
نئی دہلی (آئی این پی ) بھارت میں عالمی شہرت یافتہ مسلم اسکالر اور مبلغ ڈاکٹر ذاکر نائیک کی 16 کروڑ کی جائیداد یں ضبط کر لیں ،ذاکرنائیک پر مذہبی جذبات کو ٹھیس پہنچانے کا الزام ہے،ذاکر نائیک کو ملائیشیا کی حکومت نے مستقل رہائش دے رکھی ہے۔ تفصیلات کے مطابق بھارتی انفورسمینٹ ڈائریکٹوریٹ نے مسلم اسکالر ذاکر نائیک کی 16 اعشاریہ 4کروڑ بھارتی روپے مالیت کی پراپرٹی ضبط کی۔بھارتی ادارے ای ڈی نے ممبئی اور پونے میں ذاکر نائیک کی جائیدادیں قبضے میں لی ہیں۔ذاکر نائیک کی بھارت میں اب تک50کروڑ روپے کی پراپرٹی قبضے میں لی جا چکی ہیں۔بھارتی تحقیقاتی ادارے نے ذاکر نائیک سمیت دیگر افراد کے خلاف 2017 میں فرد جرم عائد کی تھی۔ذاکرنائیک پر مذہبی جذبات کو ٹھیس پہنچانے کا الزام ہے،ذاکر نائیک کو ملائیشیا کی حکومت نے مستقل رہائش دے رکھی ہے۔
