"آٹے کے بحران کا علم نہیں لیکن . . . " صدر مملکت ڈاکٹر عارف علوی کا موقف بھی آگیا

"آٹے کے بحران کا علم نہیں لیکن . . . " صدر مملکت ڈاکٹر عارف علوی کا موقف بھی آگیا

  



کراچی (ویب ڈیسک) صدرمملکت عارف علوی ملک میں آٹے کے بحران سے لاعلم نکلے۔پیر کو صدر مملکت ڈاکٹر عارف علوی نے اپنی اہلیہ ثمینہ علوی کے ساتھ کراچی میں اچانک قومی ادارہ برائے صحت اطفال اور قومی ادارہ برائے امراض قلب کا دورہ کیا۔ صدر مملکت پہلے این آئی سی ایچ پہنچے جہاں ایگزیکٹو ڈائریکٹر ڈاکٹر جمال رضا نے انکا استقبال کیا اور ہسپتال کے مختلف واڈز کا دورہ کرایا۔

میڈیا سے گفتگو میں صدر مملکت نے کہاکہ وزیراعظم کی ہدایت پر یہاں آیا ہوں، ہسپتال میں ایک ایک بستر پر چار سے پانچ بچے موجود ہیں اور ادویات مریضوں کو باہر سے لینی پڑرہی ہیں۔انہوں نے کہا کہ عدالتی حکم پر مریضوں کو پریشان کیے بغیر تینوں ہسپتالوں کی منتقلی کویقینی بنایا جائیگا۔اس موقع پر بات عارف علوی کا کہنا تھاکہ دعوے کرتے وقت انہیں خزانے کی حالت کا علم ہی نہیں تھا۔آٹے کے بحران سے متعلق سوال پر انہوں نے کہا کہ آٹے کے بحران کا علم نہیں لیکن معلوم ہونا چاہیے تھا۔

مزید : قومی /علاقائی /سندھ