شہباز شریف کے خلاف نیب کا شکنجہ تنگ

شہباز شریف کے خلاف نیب کا شکنجہ تنگ
شہباز شریف کے خلاف نیب کا شکنجہ تنگ

  



اسلام آباد (ڈیلی پاکستان آن لائن ) مسلم لیگ ن کے صدر میاں شہباز شریف کے خلاف منی لانڈرنگ اور آمدن سے زائد اثاثہ جات ریفرنس تیاری کے حتمی مراحل میں داخل ہو گیا ہے۔نجی نیوز چینل ہم نیوز کے مطابق شہباز شریف خاندان کی خواتین اورچند دیگر اراکین کی عدم پیشی کے باعث ضمنی ریفرنس داخل کرنے کا فیصلہ کیا گیا ہے ۔چیئرمین نیب نے ہدایت دے رکھی ہیں کہ اہم مقدمات کو فی الفورمنطقی انجام تک پہنچایا جائے۔ شہباز شریف، حمزہ شہباز اور سلمان شہبازسمیت کل 9 افراد کے خلاف آمدن سے زائد اثاثہ جات رکھنے اور منی لانڈرنگ کے ریفرنسز تیاری کے آخری مراحل میں داخل ہوچکے ہیں۔ ضمنی ریفرنس میں شہباز شریف خاندان کی بے نامی کمپنیوں، گڈ نیچر، یونی ٹاس اور وقار ٹریڈنگ کو بھی حصہ بنایا گیا ہے۔ شریف خاندان کی بے نامی کمپنیوں سے چار ارب روپے سے زائد کی ٹرانزیکشنز ہوئیں اور دوران تفتیش خاندان تین ارب سے زائد کے اثاثوں سے متعلق مطمئن نہیں کر سکا۔

مزید : قومی