کورونا وائرس سے اموات بڑھنے لگیں ، مزید 23 افراد جاں بحق
اسلام آباد ( ڈیلی پاکستان آن لائن ) ملک بھر میں مہلک کورونا وائرس سے اموات کی تعداد پھر بڑھنے لگی ، گزشتہ 24 گھنٹوں میں مزید 23 افراد قاتل وائر س کی بھینٹ چڑھ گئے ۔
نیشنل کمانڈ اینڈ آپریشن سینٹر ( این سی او سی ) کے مطابق تین ماہ بعد اموات 20 سے زائد رپورٹ ہوئی ہیں ، جس کے بعد ملک بھر میں ہونے والی اموات کی مجموعی تعداد 29 ہزار 65 ہو چکی ہے ۔ گزشتہ 24 گھنٹوں میں 59 ہزار 343 افراد کے کورونا ٹیسٹ کئے گئے جن میں سے 7 ہزار 678 نئے کورونا کیسز سامنے آئے ، یوں گزشتہ 24 گھنٹوں میں کورونا کے مثبت کیسز شرح 13 فیصد ریکارڈ کی گئی ۔
این سی او سی کے مطابق ملک میں 57 ہزار 935 کیسز موجود ہیں جن میں سے 961 کی حالت تشویشناک ہے ۔
