لاہور(کر ائم رپو رٹر)شہر میں چوری و ڈکیتی کی متعدد وارداتوں میں شہریوں سے لاکھوں روپے، طلائی زیورات، موبائل فونز، موٹرسائیکلوں اور گاڑیوں سمیت دیگر سامان چھین لیاگیا تفصیلات کے مطابق باغبانپورہ میں افضال سے 1لاکھ 50ہزار روپے اور دیگر سامان، مصری شاہ میں فردوس سے1 لاکھ 45ہزار روپے اور موبائل فون، قائداعظم انڈسٹریل اسٹیٹ میں رحمان سے1 لاکھ 35 ہزار روپے موبائل فون اور دیگر سامان، راوی روڈ میں امان اللہ سے1 لاکھ 30ہزار روپے اور موبائل فون،جنوبی چھاؤنی میں قدیر سے 1لاکھ 25ہزار روپے اور موبائل فون، نشترکالونی میں عدیل سے1لاکھ 20ہزار روپے،موبائل فون اور دیگر سامان لوٹ لیا گیا،ماڈل ٹاؤن اور شفیق آباد سے گاڑیاں جبکہ نولکھا،مزنگ اور غالب مارکیٹ سے موٹرسائیکلیں چوری ہو گئیں۔