بیجنگ(ڈیلی پاکستان آن لائن)چین نے کہا ہے کہ ڈونلڈ ٹرمپ کی قیادت میں تجارت پر امریکہ کے ساتھ تعاون کی امید ہے، چین امریکہ کے ساتھ بات چیت اور مواصلات کو مضبوط بنانے کو تیار ہے۔
بیجنگ سے چینی وزارت خارجہ کے ترجمان نے کہا کہ امید ہے امریکہ چین سے دوطرفہ تعلقات میں استحکام بڑھانے پر کام کرے گا۔ ان کا کہنا تھا کہ پیرس موسمیاتی معاہدے سے امریکا کی دستبرداری پر تشویش ہے، کیوبا کو دہشت گردی کی فہرست میں شامل کرنا امریکا کی غنڈہ گردی کو ظاہر کرتا ہے۔ انہوں نے مزید کہا عالمی ادارہ صحت کے ساتھ تعاون کیلئے پرعزم ہیں، چین ہمیشہ کی طرح ڈبلیو ایچ او کی ذمہ داریوں کو پورا کرنے میں مدد کرے گا۔