سندھ میں بڑی وارداتوں کا ماسٹر مائنڈ، پاکستان کو مطلوب دہشتگرد معاذ افغانستا ن میں ہلاک
کابل (ڈیلی پاکستان آن لائن)سندھ میں دہشت گردی کی بڑی وارداتوں کے ماسٹر مائنڈعلی مسعود فرید عرف معاذ کو افغانستان میں ہلاک کردیا گیا ہے ۔
جیونیوز کے مطابق سندھ میں بڑی وارداتوں کا ماسٹر مائنڈ علی مسعود فریدی عرف معاذ افغانستان میں مارا گیا ہے ،معاذ شکار پور دھماکے کا ماسٹر مائندبھی تھا اور افغان خفیہ ایجنسی کے لئے بھی کام کرتا تھا ۔اس کے القاعدہ کے ساتھ بھی روابط تھے ۔ وہ پاکستان میں دہشت گردوں کے سہولت کار کے طور پر بھی کام کرتا رہا ۔ ملزم خود کش حملہ آوروں کو خود کش جیکٹس بھی مہیا کیا کرتا تھا ۔ معاذ پاکستان سے فرار ہوکر افغانستان منتقل ہوگیا تھا جہا ں اطلاعات کے مطابق اس کوڈیڑھ ہفتہ قبل ہلاک کردیا گیا۔
