عام انتخابات میں ہو نے والی غلطی کو ضمنی الیکشن میں نہ دہرائیں، بلاول

عام انتخابات میں ہو نے والی غلطی کو ضمنی الیکشن میں نہ دہرائیں، بلاول

  

کراچی(این این آئی) پاکستان پیپلز پارٹی کے چیئرمین بلاول بھٹو زرداری نے گھوٹکی کے حلقہ این اے205کے ضمنی انتخابات میں پولنگ اسٹیشن کے اندر فوج کی تعیناتی پر سوال اٹھادیا ہے اورکہا ہے کہ عام انتخابات میں ہوئی غلطی ضمنی الیکشن میں نہ دہرائی جائے۔بلاول بھٹو زرداری نے کہاکہ عام انتخابات میں ہوئی غلطی کو ضمنی الیکشن میں نہ دہرائیں، پولنگ اسٹیشن کے اندر فوج کی تعیناتی سے ادارہ متنازع ہوگا،حکومت کو کیا ضرورت ہے کہ وہ الیکشن میں فوج کو پولنگ بوتھ کے اندر تعینات کرائے؟۔ اپنے ایک بیان میں انہوں نے کہاکہ فوج اہم ادارہ ہے لہذا ماضی کی غلطیوں سے سبق سیکھا جائے کیوں کہ ہر چیز میں فوج کو ڈالنے سے ان کا ادارہ متنازع ہوتا ہے، الیکشن کو صاف اور شفاف بنانے کیلئے دیگر کئی راستے موجود ہیں۔

بلاول بھٹو

مزید :

صفحہ اول -