پتوکی، ڈاکوؤں کی لوٹ مار کے بعد شوہر کے سامنے بیوی سے بد اخلاقی

 
پتوکی(مانیٹرنگ ڈیسک)پنجاب کے ضلع قصور کی تحصیل پتوکی میں 2 ڈاکوؤں نے عید خریداری سے واپس آنے والے میاں بیوی کو لوٹ لیا جبکہ کھیتوں میں لے جا کرشوہر کے سامنے خاتون کوبد اخلاقی کانشانہ بنا ڈالا۔جمشیر چک 24 کے رہائشی ندیم نے پولیس کو بتایا کہ وہ اپنی بیوی کے ہمراہ عیدکی خریداری کرکے موٹرسائیکل پر واپس گاؤں آ رہا تھا کہ جمشیراڈا کے قریب رات گئے موٹرسائیکل سوار 2 ڈاکوؤں نے روک لیا۔شہری نے بتایا کہ ڈاکوؤں نے گن پوائنٹ میں کھیتوں میں لے جاکر پہلے نقدی اور موبائل فون لوٹ لیے اور خاتون کے کانوں سے سونے کی بالیاں نوچ لیں بعد میں ڈاکوؤں نے اس کے سامنے بیوی کو بد اخلاقی کا نشانہ بنایا۔پولیس نے مقدمہ درج کرکے ملزمان کی تلاش شروع کر دی۔ڈسٹرکٹ پولیس آفیسر (ڈی پی او) قصور نے واقعے کو انتہائی افسوس ناک قرار دیتے ہوئے کہا کہ ڈی ایس پی کی سربراہی میں کمیٹی تشکیل دے دی اور ملزموں کی گرفتاری کیلئے تمام وسائل بروئے کار لائیں گے۔

 بد اخلاقی