چکوال ( ڈیلی پاکستان آن لائن ) گورنر پنجاب سردار سلیم حیدر کا کہنا ہے کہ چکوال کو آفت زدہ قرار دلوایا جائے گا۔
چکوال میں میڈیا سے گفتگو کرتے ہوئے سردار سلیم حید رنے کہا کہ پنجاب حکومت سے بات کر کے چکوال کو آفت زدہ قرار دلوایا جائے گا۔ پیپلز پارٹی کا چکوال اور جہلم کو آفت زدہ قرار دینے کا مطالبہ جائز ہے۔
’’جنگ ‘‘ کے مطابق انہوں نے کہا کہ بارش سے نقصان کا ازالہ پنجاب حکومت بھی کرے گی اور گورنر آفس بھی جبکہ چکوال میں بارشوں سے نقصانات کے ازالے کے لیے سروے کیا جارہا ہے۔چکوال میں ریکارڈ 450 ملی میٹر بارش ہوئی جس سے بہت نقصان ہوا۔