پنجاب میں اہم شخصیات پر ٹی ٹی پی کے حملوں کا تھریٹ الرٹ جاری کردیاگیا

پنجاب میں اہم شخصیات پر ٹی ٹی پی کے حملوں کا تھریٹ الرٹ جاری کردیاگیا
پنجاب میں اہم شخصیات پر ٹی ٹی پی کے حملوں کا تھریٹ الرٹ جاری کردیاگیا

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

راولپنڈی(صباح نیوز)تحریک طالبان پاکستان سے وابستہ گروپوں کی جانب سے راولپنڈی سمیت پنجاب بھرمیں اہم سیاستدانوں اور شخصیات کو ٹارگٹ کیے جانے کے خدشے کے پیش نظر پولیس اور سیکیورٹی سے متعلقہ اداروں نے گورنر اور وزیراعلیٰ پنجاب سمیت اہم سیاسی شخصیات کی سیکیورٹی فول پروف بنانے کی ہدایت کی ہے۔

نجی ٹی وی نے ذرائع کاحوالہ دیتے ہوئے کہا ہے کہ پولیس حکام اور سیکیورٹی سے متعلق اداروں کو مراسلہ جاری کیا گیا گیا ہے۔ جس میں بتایا گیا ہے کہ معلوم ہوا ہے کہ تحریک طالبان پاکستان شہریار محسود گروپ پنجاب بھر میں دہشت گردی کی کارروائیوں میں اہم سیاسی شخصیات کو نشانہ بنانے کا منصوبہ رکھتے ہیں لہذا گورنر، وزیراعلیٰ اور وزرا سمیت اہم شخصیات کی سیکیورٹی کو فول پروف رکھا جائے۔وقفے وقفے سے انٹیلی جنس بیسڈکومبنگ و سرچ آپریشنز کئے جائیں، تمام حساس اور اہم تنصیبات، عمارتوں، اسپتالوں اور اسکولوں سمیت اہم رہائشی علاقوں کی کڑی نگرانی رکھی جائے اور اس حوالے سے اٹھائے جانیوالے تمام اقدامات سے آئی جی پنجاب آفس کو تفصیلی طور پر آگاہ رکھا جائے۔

مزید : راولپنڈی