ملزموں کی گرفتاری پر بھنگڑا ڈالنے والی خاتون سرعام قتل

ملزموں کی گرفتاری پر بھنگڑا ڈالنے والی خاتون سرعام قتل
ملزموں کی گرفتاری پر بھنگڑا ڈالنے والی خاتون سرعام قتل

  

میلسی (ویب ڈیسک) 2بھائیوں اور شوہر کے قتل کے ملزموں کی گرفتاری پر بھنگڑا ڈالنے والی خاتون کو سرعام قتل کر دیا گیا۔

تفصیلات کے مطابق ٹبہ سلطان پور چک 110ڈبلیو بی میں سمیرا خان پٹھانی زوجہ لشکر علی مرحوم گاڑی میں اپنے دو کم سن بچوں سبحان علی اور سبحانہ علی کو مدرسہ میں چھوڑنے جارہی تھی کہ  راستے میں پہلے سے گھات لگائے ہوئے مسلح موٹر سائیکل سوار افراد نے فائرنگ کردی جس کے نتیجہ میں سمیرا خان پٹھانی جاں بحق ہوگئی جبکہ فائرنگ سے گاڑی میں بیٹھی ہوئی کم سن بیٹی سبحانہ علی زخمی ہوگئی ، بیٹا معجزانہ طور پر محفوظ رہا۔

عینی شاہدین کے حوالے سے روزنامہ جنگ نے لکھا کہ   مسلح افراد کا ٹارگٹ صرف سمیرا خان تھی بچے نہیں، ورثاء نے لاش کو ملتان وہاڑی روڈ پر رکھ کر احتجاجی مظاہرہ کیا۔ واضح رہے کہ مقتولہ نے خاوند اور بھائیوں کے قاتل کی گرفتاری کی خوشی میں ٹبہ سلطان پور کے چوک عاصم میں ڈھول کی تھاپ پر اپنے دیور کے ہمراہ بھنگڑا بھی ڈالا تھا جس کا ممکنہ طورپر ملزمان کو رنج ہوسکتا ہے ۔ 

مزید : علاقائی /پنجاب /وہاڑی