رنبیر کپور اور عالیہ بھٹ کب شادی کریں گے ؟بالی ووڈ سے ایک اور پریمی جوڑے کے بارے میں بڑی خبر آگئی

رنبیر کپور اور عالیہ بھٹ کب شادی کریں گے ؟بالی ووڈ سے ایک اور پریمی جوڑے کے ...
رنبیر کپور اور عالیہ بھٹ کب شادی کریں گے ؟بالی ووڈ سے ایک اور پریمی جوڑے کے بارے میں بڑی خبر آگئی

  

ممبئی(ڈیلی پاکستان آن لائن )بالی ووڈ میں قیاس آرائیاں کی جارہی ہیں کہ فلم انڈسٹری کے چاکلیٹی ہیرو رنبیر کپور اور خوبرو اداکارہ عالیہ بھٹ 2020میں شادی کے بندھن میں بندھ جائیں گے۔

تفصیل کے مطابق گزشتہ کچھ عرصے سے اداکارہ عالیہ بھٹ اوررنبیر کپور کے درمیان نزدیکیوں کے چرچے بھارتی میڈیا میں جاری تھے دونوں کے بارے میں افواہیں گردش کررہی تھیں کہ رنبیر عالیہ ایک دوسرے کے گھر پر چھپ چھپ کر ملاقاتیں بھی کرچکے ہیں۔ دونوں سٹارزکے درمیان نزدیکیاں بڑھنے کاسلسلہ بلغاریہ میں شروع ہوا جہاں دونوں اپنی نئی فلم ’براہمسترا‘کی شوٹنگ کے سلسلے میں موجود تھے۔ اوراب دونوں کی شادی کی افواہیں میڈیا میں گردش کررہی ہیں جس کے مطابق دونوں 2020 میں شادی کے بندھن میں بندھ جائیں گے۔

واضح رہے کہ عالیہ بھٹ کرن جوہر کے شو’کافی ود کرن‘میں رنبیر کے لیے اپنی پسندیدگی کااظہار کرچکی ہیں، شو کے دوران انہوں نے واضح الفاظ میں کہا تھا کہ وہ رنبیر کپور کی دیوانی ہیں جب کہ رنبیر کپور بھی عالیہ کے لیے اپنی دیوانگی کااظہار کرچکے ہیں۔ عالیہ بھٹ سے قبل رنبیر کپور کی زندگی میں اداکارہ دپیکا پڈوکون اورکترینہ کیف بھی آچکی ہیں تاہم دونوں اداکاراو¿ں کے ساتھ رنبیر کپور کارشتہ زیادہ عرصہ نہ چل سکا اوررنبیر نے ان سے اپنی راہیں جدا کرلیں۔

مزید : تفریح