پاکستان کی مسلح افواج اورحکومت کی کوششیں رنگ لے آئیں، افغانستان کی تمام 18 سیاسی جماعتوں کے 57 مندوبین کی پاکستان آمد، بڑی خبرآگئی

پاکستان کی مسلح افواج اورحکومت کی کوششیں رنگ لے آئیں، افغانستان کی تمام 18 ...
پاکستان کی مسلح افواج اورحکومت کی کوششیں رنگ لے آئیں، افغانستان کی تمام 18 سیاسی جماعتوں کے 57 مندوبین کی پاکستان آمد، بڑی خبرآگئی

  

اسلام آباد (ویب ڈیسک) پاکستان کی فوج اور حکومت کی کوششیں رنگ لاناشروع ہوگئی ہیں اور  پہلی افغان امن کانفرنس بھوربن مری میں کل منعقد ہو رہی ہے جس میں افغانستان کی 18 سیاسی جماعتوں و گروپس کے 57 مندوبین شریک ہوں گے، شرکاء میں  گلبدین حکمت یار،استاد عطاء نور، افغان امن جرگہ کے سربراہ کریم خلیلی اور ازبک رہنما رشید دوستم بھی شامل ہیں، اس کانفرنس کو ’’ لاہور پراسیس‘‘ کانام دیا گیا۔ 

نیوزویب سائٹ پاکستان 24 کے مطابق پاکستانی حکام کا کہنا ہے کہ لاہور پراسیس سے عوامی رابطوں اور مستقبل کے لیے تجاویز کا تبادلہ موقع ملے گا، متعدد سینیٹرز اور اراکین اسمبلی بھی اس کانفرنس میں اپنی آراء پیش کریں گے ، لاہور پراسیس میں افغان سیکیورٹی کے مختلف پہلوئوں کا جائزہ لیا جائے گا۔حکام کاکہناتھاکہ پراسیس سے مستقبل کی حکومتوں کے درمیان اعتماد سازی کی فضاء قائم کرنے میں مدد ملے گی جبکہ تجارت، روابط، صحت اور دیگر شعبوں پر تفصیلی تبادلہ خیال کا موقع بھی ملے گا، اس دوران  افغان مہاجرین کی باعزت وطن واپسی کے حوالے سے بھی بات ہوگی، صدر عارف علوی افغان امن کانفرنس کے شرکاء کے اعزاز میں عشائیہ دیں گے۔

رپورٹ کے مطابق اس  کانفرنس میں مستقبل میں طالبان کی شمولیت کا بھی امکان ہے تاہم ابھی حتمی طورپر کچھ نہیں کہا جا سکتا۔یادرہے کہ یہ کانفرنس ایک ایسے موقع پر ہورہی ہے جب افغان صدر اشرف غنی نے بھی دورہ پاکستان کا اعلان کررکھاہے ، ذرائع نے بتایا کہ بھوربن میں ہونیوالی کانفرنس کے شرکاء وزیراعظم عمران خان سے بھی ملاقات کریں گے جبکہ کانفرنس کے افتتاحی سیشن سے پاکستان کے وزیر خارجہ شاہ محمود قریشی خطاب کریں گےاور افغانستان کے امن عمل میں پاکستان کی کاوشوں پر روشنی ڈالیں گے اور پڑوسی ممالک میں امن و امان سے متعلق اپنا عزم دہرائیں گے ۔ 

مزید :

بین الاقوامی -