پچھلا حساب کتاب چھوڑنے کی بات نا قابل قبول ،میثاق جمہوریت کی پہلی شرط ہے کہ لوٹا ہوا مال واپس ہوگا:فواد چوہدری

پچھلا حساب کتاب چھوڑنے کی بات نا قابل قبول ،میثاق جمہوریت کی پہلی شرط ہے کہ ...
پچھلا حساب کتاب چھوڑنے کی بات نا قابل قبول ،میثاق جمہوریت کی پہلی شرط ہے کہ لوٹا ہوا مال واپس ہوگا:فواد چوہدری

  

اسلام آباد(ڈیلی پاکستان آن لائن)وفاقی وزیر سائنس اینڈ ٹیکنالوجی فواد چوہدری نے کہا ہے کہ میثاق جمہوریت کی پہلی شرط ہے کہ لوٹا ہوا مال واپس ہوگا۔

تفصیلات کے مطابق سماجی رابطے کی ویب سائٹ ٹوئٹر پر جاری پیغام میں وفاقی وزیر فواد چوہدری نے کہا کہ زرداری صاحب کی یہ آفر کہ پچھلا حساب کتاب چھوڑیں اور آگے چلیں ناقابل قبول ہے۔ (ن)لیگ اور پیپلزپارٹی دونوں کے رہنما اپنی تقریروں میں این آر او مانگتے رہے، اس طرح کی شرائط قبول نہیں کی جا سکتیں۔اپنے ایک دوسرے ٹویٹ میں فواد چوہدری کا کہنا تھا کہ خالصتاً معیشیت میں اصلاحات کا بیانیہ ہونا چاہئے، ہم ٹیکس نیٹ کیسے بڑھائیں، پرائیوٹائزیشن پر کیا پالیسی ہو؟ جو ادارے اربوں روپے کے خسارے دے رہے ہیں ان سے کیسے ڈیل کیا جائے اور اس ضمن کے دیگر معاملات پر جامع بات ہو سکتی ہے؟ لیکن احتساب میں رو رعائت مناسب ڈیمانڈ نہیں۔

مزید :

قومی -